Takimi u fokusua në rëndësinë e bashkëpunimit ndërinstitucional për garantimin e një sezoni turistik të sigurt, të organizuar dhe cilësor, duke adresuar disa prej çështjeve kryesore, si:

– siguria në plazhe dhe hapësira publike;

– menaxhimi i trafikut dhe parkimeve;

– administrimi i mbetjeve urbane;

– siguria ushqimore dhe mbrojtja e mjedisit;

– monitorimi i aktiviteteve në zonat turistike.

Në takim u theksua se rritja e numrit të vizitorëve në Qarkun Shkodër sjell mundësi të reja për zhvillim ekonomik dhe turistik, por njëkohësisht kërkon angazhim më të madh dhe koordinim të vazhdueshëm nga të gjitha institucionet përgjegjëse.

Institucionet pjesëmarrëse riafirmuan angazhimin e përbashkët për të garantuar standarde të larta shërbimi dhe për ta promovuar Shkodrën si një destinacion të sigurt, mikpritës dhe të qëndrueshëm.