Projektvendimi “Për një shtesë dhe ndryshim në vendimin nr. 94, datë 4.2.2015, të Këshillit të Ministrave “Për procedurat për armët, në rastet e deklarimit të vdekjes, deklarimit të mbylljes ligjore të aktivitetit, për qëllime studimore, të humbjes së armës, vjedhjes së saj apo dokumentit/autorizimit”.

Qëllimi i këtij projektvendimi është lehtësimi i procesit të njoftimit të strukturës kompetente në rastet e vdekjes së një personi i cili ka qenë mbajtës ose koleksionues i armëve, në rastet e mbylljes ligjore të aktivitetit, apo në rastet e vjedhjes apo humbjes së armës të zotëruar nga personat fizikë e juridikë, nëpërmjet ofrimit të shërbimeve online, duke reduktuar kohën e marrjes së shërbimit, duke evituar burokracitë etj.

Komunikimi online shërben si një portë nëpërmjet së cilës çdo person i interesuar mund të marrë nëpërmjet internetit, shërbime elektronike të ofruara nga institucionet kompetente.

Ky projektvendim synon të realizojë ofrimin online të shërbimit të njoftimit nga të strukturës kompetente në rastet e vdekjes së një personi i cili ka qenë mbajtës ose koleksionues i armëve, në rastet e mbylljes ligjore të aktivitetit, apo në rastet e vjedhjes apo humbjes së armës të zotëruar nga personat fizikë e juridikë.