Njoftim për vend të lirë pune në sektorin e Arkiv Protokollit të Ministrisë së Brendshme – kriteret, afatet

NJOFTIM PËR VEND TË LIRË PUNE

Në mbështetje të ligjit nr. 7961, datë 12.07.1995 “Kodi i Punës në RSH”, i ndryshuar, të nenit 19, pika 1, të ligjit nr. 44/2015 “Kodi i Procedurave Administrative i RSH”; të ligjit nr. 90/2012 “Për organizimin dhe funksionimin e administratës shtetërore”, të Rregullores së Brendshme, të miratuar me Urdhrin nr. 384, datë 30.04.2019, të Ministrit të Brendshëm “Për miratimin e Rregullores së Brendshme për organizimin dhe funksionimin e Ministrisë së Brendshme”, si dhe të Urdhrit të Sekretarit të Përgjithshëm nr. 558, datë 01.02.2021 “Për miratimin e manualit për përcaktimin e rregullave, kritereve dhe procedurave për shpalljen e pozicioneve me kod pune në Aparatin e Ministrisë së Brendshme”, Ministria e Brendshme shpall 1 vend vakant:

• Arkivist/Protokollist në Sektorin e Arkiv Protokollit, në Drejtorinë e Mirëadministrimit të Burimeve Njerëzore dhe Shërbimeve, në Drejtorinë e Përgjithshme Ekonomike dhe e Shërbimeve Mbështetëse.

Përshkrimi përgjithësues i punës për pozicionin: “Arkivist/Protokollist në Sektorin e Arkiv Protokollit, në Drejtorinë e Mirëadministrimit të Burimeve Njerëzore dhe Shërbimeve, në Drejtorinë e Përgjithshme Ekonomike dhe e Shërbimeve Mbështetëse”.

• Regjistron korrespondencën dhe çdo dokumentacion tjetër zyrtar të institucionit;
• Përgatit mjete informacioni për një përdorim efikas të dokumenteve;
• Kërkon, nxjerr dhe vë në dispozicion dokumentet sipas kërkesave të ndryshme të depozituara pranë Sektorit;
• Bën qarkullimin e korrespondencës të dokumentacionit brenda institucionit, sipas delegimeve nga eprorët;
• Çel dosjet sipas pasqyrës emërtuese në fillim të vitit dhe mbyllja e tyre në fund të vitit kalendarik;
• Përpunon nga pikëpamja tekniko-shkencore dokumentacionin arkivor, sipas listës së dokumentacionit me afatet e ruajtjes.

Kriteret që duhet të plotësojnë aplikantët për këtë pozicion:

Kritere të përgjithshme:

• Të ketë integritet të lartë profesional e moral;
• Të mos jetë i/e dënuar me vendim të formës së prerë të gjykatës;
• Të mos jetë përjashtuar/shkarkuar nga administrata publike;
• Të ketë aftësi të mira komunikimi dhe të punuarit në grup;
• Të ketë njohuri të programeve bazë të kompjuterit.

Kritere të posaçme:  Të plotësojë kërkesat për nivelin e arsimit, përvojës dhe kërkesat e tjera për pozicionin përkatës:

Arsimi: Të ketë një diploma të nivelit “Bachelor”, në shkenca shoqërore.

Përvoja: Nuk kërkohet përvojë. Të ketë eksperiencë të mëparshme në këtë profil/profesion, përbën avantazh.

Fusha e njohurive, aftësitë dhe cilësitë mbi të cilat do të zhvillohet intervista.

Kandidatët do të intervistohet në lidhje me:

• Njohuri të përgjithshme për Kodin e Punës për të drejtat e detyrimet e Punëdhënësit e Punëmarrësit.
• Njohuri mbi ligjin nr. 9154, datë 06.11.2003 “Për arkivat”.

Dokumentacioni, mënyra dhe afati i dorëzimit të aplikimeve:

Aplikantët duhet të dorëzojnë dokumentet si më poshtë:

1. Kërkesë për punësim;
2. Jetëshkrim;
3. Fotokopje të diplomës;
4. Fotokopje të librezës së punës (të gjitha faqet që vërtetojnë eksperiencën në punë, nëse ka);
5. Fotokopje të letërnjoftimit (ID);
6. Vërtetim të gjendjes shëndetësore;
7. Vetëdeklarim të gjendjes gjyqësore.

Aplikimi dhe dorëzimi i të gjitha dokumenteve të cituara mësipër, duhet të bëhet brenda datës 31.03.2022, në adresën e email: Ministria.Brendshme@mb.gov.al ose në Ministrinë e Brendshme, Adresa: Blv. “Dëshmorët e Kombit”, Nd. 1, 1001 Tiranë.

Zhvillimi i intervistës me aplikantët e përzgjedhur nga komisioni “Ad-Hoc” do të kryhet brenda datës 11.04.2022, në Ministrinë e Brendshme.

Njoftim për aplikantët e kualifikuar për në fazën tjetër: 

Intervista do të zhvillohet në datën 11.04.2022, në orën 10:00, në ambientet e Ministrisë së Brendshme.

SHPALLET FITUESI për postin arkivist/protokollist në sektorin e Arkiv-Protokollit, në Drejtorinë e Miradministrimit të Burimeve Njerëzore dhe Shërbimeve, në Drejtorinë e Përgjithshme Ekonomike dhe Shërbimeve Mbështetëse, znj. Besiana Sallata, me 80 pikë.

Dt. 19.04.2022