Bruksel/Ministri Çuçi nënshkruan Planin BE-Shqipëri Kundër Terrorizmit: Dëshmi e besimit dhe e punës së bërë nga vendi ynë

Çuçi nënshkruan në Bruksel Planin BE-Shqipëri Kundër Terrorizmit: Dëshmi e besimit dhe e punës së bërë nga vendi ynë

Ministri i Brendshëm, Bledi Çuçi ndodhet në Bruksel për një vizitë zyrtare, ku nënshkroi me Komisioneren për Punët e Brendshme në BE, Ylva Johanson, Planin BE-Shqipëri Kundër Terrorizmit.

“Ky dukument garanton një bashkëpunim tërësor me Bashkimin Europian, si dhe është një tjetër dëshmi domethënëse e besimit të ndërtuar dhe e punës që Shqipëria ka bërë në parandalimin dhe luftën kundër terrorizmit dhe ekstremizmit të dhunshëm. Ne punojnë ngushtësisht me Bashkimin Europian për sigurinë e përbashkët të unionit dhe prë ruajtjen e vlerave e parimeve themlore të BE-së”, thotë ministri Çuçi.

Marrëveshja krijon një kuadër ligjor më solid e të përfafruar me BE-në, por na mundëson gjithashtu të përmirësojmë kapacitetet tona për të përballuar kompleksitetin e çështjeve të sigurisë që lidhen me terrorizmin. Ajo është në përputhje të plotë me dokumentet tona strategjike në fushën e luftës kundër terrorizmit dhe kundër ekstremizmit të dhunshëm.

Ministri Çuçi: Në takimin trepalësh me Komisioneren për Punët e Brendshme në BE, Ylva Johansson dhe homologun nga Maqedonia e Veriut, Oliver Spasovski, diskutuam ndër të tjera për menaxhimin e flukseve migratore që vijnë nga Afrika dhe Lindja e Mesme me destinacion final Europën. Shqipëria ka një përvojë të mirë në këtë drejtim falë edhe bashkëpunimit me FRONTEX. Folëm gjithashtu për bashkërendimin e punës në luftën kundër krimit të organizuar, terrorizmit dhe ekstremizmit të dhunshëm.