Migracioni i parregullt / Në 3 muajt e parë të 2018-ës rreth 4500 shtetas shqiptarë të deportuar - Ministria e Brendshme
Postuar më: 11/04/2018

Migracioni i parregullt / Në 3 muajt e parë të 2018-ës rreth 4500 shtetas shqiptarë të deportuar

Migracioni i parregullt/Në 3 muajt e parë të 2018-ës rreth 4500 shtetas shqiptarë të deportuar

Në Rinas ka mbërritur një avion me 30 shtetas shqiptarë të deportuar nga Franca dhe Belgjika.
Zv/drejtoresha e Përgjithshme e Policisë së Shtetit, Aida Hajnaj, e pranishme në Rinas, gjatë një pronocimi për median, ka theksuar se Policia e Shtetit edhe për vitin 2018, do të vijojë zbatimin e masave shtesë për parandalimin e fenomenit të azilkërkimit.

Si rezultat i bashkëpunimit dhe koordinimit me Frontex dhe policitë homologe, është bërë e mundur që nga 1 janari deri në 10 prill 2018 të deportohen 4492 shtetas shqiptarë të parregullt, nga vendet e BE-së.

Ndërkohë, që prej gushtit 2017, vijon zbatimi i planit të masave për parandalimin e këtij fenomeni, dhe në këtë kuadër, në të gjitha pikat e kalimit kufitar, nuk janë lejuar të kalojnë të gjithë ata shtetas që nuk përmbushnin kushtet për të udhëtuar në zonën Schengen.

Po në kuader të masave parandaluese, gjatë kësaj periudhe janë proceduar 80 shtetas shqiptarë që kanë tentuar të kalojnë kufirin me dokumenta të falsifikuara.

Masat janë forcuar edhe në kufirin jeshil, ku si rezultat i patrullimeve janë kapur rreth 700 shtetas shqiptarë që kanë tentuar të kalojnë kufirin në mënyrë të paligjshme.

Policia e Shtetit është e vendosur që të zbatojë me rigorozitet masat shtesë, deri në parandalimin e fenomenit të azilkërkimit.

  • No posts found.